Maai Tu Raha Hamare Paas

Dear visitor,

This bhojpuri poem is dedicated to all our mothers..who took a lot of pains to shape us into what we are today....thanks to them for everything.

Asha kara taani ki sabke aapan maaii yaad aayi...

Maai Tu Raha Hamare Paas
____________________

Godhiya mein khelat rahiin
Ratiyaa ke sootiin tohare paas
Ab mahalawa mein rahat baani
Maai Tu raha hamare paas

Kaparawa-GoDawa dabWaawat rahiin
Tohke thakani laage na pyaas
Ab seva tohar karal chaahat baani
Maai Tu raha hamare paas

Leva-Bichawna pe lotiyaat rahiin
Rakhalu hamesa ankhiyan ke paas
Ab makhmal ke gaddi lehle baani
Maai Tu raha hamare paas

Kurta-kapada silwawat rahiin
Hamesa dehlu kuchu naya aa khaas
Ab sabke kapada baantat baani
Maai Tu raha hamare paas

School-college naa jaat rahiin
Maar-peet ke karawulu tu paas
Ab duniya ke likhawat-paDhaawat baani
Maai Tu raha hamare paas

Barkha-paani mein bheejat rahiin
Tohar aanchar humke chaata bujhaas
Ab chath-makaan peet lele baani
Maai Tu raha hamare paas

Daal-bhaath se muh pherat rahiin
Banawlu puudi jab hokhin udaas
Ab bahari khaiike ubiya gail baani
Maai Tu raha hamare paas

JhooT-mooTh paisa maangat rahiin
Mile humke chahe gullak ja phodaas
Ab ekke sampath maangat baani
Maai Tu raha hamare paas

Palalu-posalu par na samjhat rahiin
Biyah ke baad hi tohar kasht bujhaas
Ab tanki dulaar pheru chahat baani
Maai Tu raha hamare paas

Mandir mein puja karat rahiin
Murti-pathar se lagaiin hum aas
Ab tohke bhagwan maanat baani
Maai Tu raha hamare paas !!

--
(Bhojpuri Poem by Sailesh Mishra, April 2006, USA)

Raaur,
Sailesh Mishra
TX, USA