Aarakshan Ko Is Desh Se Hatao

Aarakshan Ko Is Desh Se Hatao
___________________________

Hamari Mehnat ko paani mein na bahao
KaThor Shram ko mitti mein na milaao
Kshamta ko kisi bhi tarah bachao
Bhaiyon, Aarakshan Ko Is Desh Se Hatao

Janam-jaati se insaan ka mol na lagao
Akankshaon ki beej ko aise na dabao
Dakshta ko dikhane ka avsar dilao
Bhaiyon, Aarakshan Ko Is Desh Se Hatao

Vidya-dhan ko apni jaagir na banao
Shiksha ke mandir ko apavitra na banao
Vidyalayon mein sabko daakhila dilao
Bhaiyon, Aarakshan Ko Is Desh Se Hatao

Naukri ke liye sadkon par na bhatkawo
Roti-Kapda ke liye aise na tarsao
Karmchaari ko jeevika ka saadhan dilao
Bhaiyon, Aarakshan Ko Is Desh Se Hatao

Ek jaati ko badhaakar doosre ko na girawo
Itihaas se badla lekar bhavishya na banawo
Chunaav jeetkar desh ko diya vachan nibhao
Bhaiyon, Aarakshan Ko Is Desh Se Hatao

Rajneeti ke naam par koot-neeti na apnao
Sarkaar hoke junta pe atyachaar na karwawo
Hindustan ko tukdon mein bantne se bachao
Bhaiyon, Aarakshan Ko Is Desh Se Hatao

Samvidhaan ko ek kagazi mazaak na banao
Desh ki junta ko Netagiri se mat nehlao
Sarvocha-nyayalay ko thoda aadar dikhawo
Bhaiyon, Aarakshan Ko Is Desh Se Hatao

Paaritoshik ko neech-bhiksha mat banao
Kaayaron ki tarah jaati se waar na karwao
Jeetna hai to pratiyogita se jeetke dikhawo
Bhaiyon, Aarakshan Ko Is Desh Se Hatao

Bharat mein rehne ki hume saza na dilao
Apne hi desh se desh-nikaala na banawo
Kum se kum Bhartiya hone ka adhikaar dilao
Bhaiyon, Aarakshan Ko Is Desh Se Hatao !!

_________________________
Hindi Kavita by Sailesh Mishra
May 15, 2006 - TX, USA
A Proud Indian
smishra@gmail.com