Aapan Mehraru Ke Sunab Hum

This is my latest bhojpuri poem with elements of "hasya-vyangya ras" in it. Hope you'll enjoy reading it.

Aapan Mehraru Ke Sunab Hum
____________________________

Nindiya hamaar udayi deli, soote deli gharawa mein kum
Kaa Karin ho bhaiya, Aapan Mehraru Ke Sunabe Karab Hum

Daal-Roti-Tarkaari paroseli, namak-haldi bhale ho jaay kum
Kaa Karin ho bhaiya, Aapan Mehraru Ke Sunabe Karab Hum

Gaana-Bajaana se bhaageli, awajiya hamaar tip deli kum
Kaa Karin ho bhaiya, Aapan Mehraru Ke Sunabe Karab Hum

Chai-coffee-sarbat piyaweli, adarak-cheeni ho jaay kum
Kaa Karin ho bhaiya, Aapan Mehraru Ke Sunabe Karab Hum

Dhobiya roj bulaaweli, kapada-lattha khude phicheli kum
Kaa Karin ho bhaiya, Aapan Mehraru Ke Sunabe Karab Hum

Hisaab-Kitaab poocheli, rupiya-notawa gine aawela kum
Kaa Karin ho bhaiya, Aapan Mehraru Ke Sunabe Karab Hum

Apisawa ke khabar raakheli, biswaas hamaar kareli kum
Kaa Karin ho bhaiya, Aapan Mehraru Ke Sunabe Karab Hum

Ghoomal-phiral chaheli, gharawa mein dekheli-raheli kum
Kaa Karin ho bhaiya, Aapan Mehraru Ke Sunabe Karab Hum

Hukum sab pe chalaaweli, patta bhi hilela-dulela kum
Kaa Karin ho bhaiya, Aapan Mehraru Ke Sunabe Karab Hum

Sona-gahana khareedeli, batua-paisa par nazar deli kum
Kaa Karin ho bhaiya, Aapan Mehraru Ke Sunabe Karab Hum

Cream-lipistick khoob poteli, haldi-aptan lagaweli kum
Kaa Karin ho bhaiya, Aapan Mehraru Ke Sunabe Karab Hum

Pandit se hawan karaaweli, apne puja-paath kareli kum
Kaa Karin ho bhaiya, Aapan Mehraru Ke Sunabe Karab Hum

Duniya-bhar ke seva karaaweli, hamaar seva karas kum
Kaa Karin ho bhaiya, Aapan Mehraru Ke Sunabe Karab Hum

Hamesa tarsaaweli, padosan jyaada gharwali lageli kum
Kaa Karin ho bhaiya, Aapan Mehraru Ke Sunabe Karab Hum

Ketno ho - Biyaah kaile baani, bina unke jee na sakab hum
Ehise kahat bani bhaiya, Aapan Mehraru Ke Sunabe Karab Hum

(Bhojpuri Poem by Sailesh Mishra, USA - March 28, 2006)

PS : I'm still a bachelor :)

Dulhin Tu Kara Singaar

Dulhin Tu Kara Singaar
_________________

Nainan mein kajara,
Hotan mein laali
Gawna ho gayil tohaar
Dulhin tu kara singaar

Maang mein senur
Chamke jab bindiya
Ghoonghat se jhankiha duaar
Dulhin tu kara singaar

Kanawa mein jhumka
Nakawa mein nathooni
Mang-Teeka se sajawa tu baar
Dulhin tu kara singaar

Hathawa mein kangana
Sona-Heera ke angoothiya
Dhan-lakshmi ke roopwa tohar
Dulhin tu kara singaar

Gode mein rang altha
Angoothan mein bichiya
Chaandi ke paayaliya tohar
Dulhin tu kara singaar

Jhaalar ke sikadi
Kamar mein Kardhaniya
Chunari ke laaj rakiha hajaar
Dulhin tu kara singaar

Mehendi ke laali
Puja ke Thaali
Tulsi sohe angana hamaar
Dulhin tu Kara Singaar

Piya ke sang rahiha
Chod ke kabhi mat jaiha
Sasuraal hau ab ghar tohar
Dulhin tu kara Singaar


___________________
(Bhojpuri Poem by Sailesh Mishra, USA - March 2006)
Director - Bhojpuri Media Vista Pvt Limited, INDIA
Founder - Bhojpuri Association of North America (BANA)

Seekhab Hum Bhojpuri

Seekhab Hum Bhojpuri
_________________

Dhoond-dhoond ke thaak gaini, kehu na padhe bhojpuri
Sab kehu chahe, Sab kehu khoje, pahile badhiya naukri
Samay mile tab sochal jaayi, kaa mili seekh ke boli
Phir bhi jid pakadele rahani, seekh ke rahab bhojpuri

Pooche sab, kaa ho bhaiya, aisan kaun majboori
Kaahe baa jaruri sabke, seekhal-jaanal bhojpuri ?
Saat samandar paar rahal, sabse meeth jaun boli
Judal ba manuwa maati se, bol ke rahab bhojpuri

Khojin-chaantin lekh-patrika, mile naa kahin bhojpuri
Kitab-kahani mile na jaldi, bekaar baksaa-almaari
School-College mein kam padhawal, jaat rahal ee boli
Lok-geet aa gaon mein dhadke, jhanak-jhan bhojpuri

Naach-gana mein khaali naache, bhangra-pop ke toli
Naa dikhayi de ekko nachaniya, sab khele aankh michauli
CD-Cassette se hum chalawni, kajri aa geet tanik bholi
Ghungroo-payal se ab nikale, chanak-chan bhojpuri

Loha-Singh, Bhikhari-Thakur ke dekhin ab nautanki
Bhula ke sudh-budh baith gaini, khatiya pe lotiyaini
Filim dekhin, Dangal dekhin, khaayin ab phutehri
Kukur-bilaar ke hum na sunab, bol ke rahab bhojpuri

Bolab jo bhojpuri mein, ta pichadal naa kahayib ?
Sun-la babua tu etna bus, ab hum Ganga nahayib
Des-Bides mein log bolela, badh-chadke aapan boli
Amrika bhi bhojpur laagela, hau sanskar jahan Bhojpuri

Bahut baras se bolat bani, hum English aur Hindi
Seekhal chahat bani hum, ab phata-phat Bhojpuri
Kaam karin sarkaari, ya vyapaar-naukri-chaakri
Laaj-sharam ke chod aini hum, Bolab ab bhojpuri !!

(Bhojpuri Poem by Sailesh Kumar Mishra, USA - March 2006)

Bides mein holi manaibe karab hum

Title : Bides mein holi manaibe karab hum
-------------------------------------------

Maalpua khayeke mile chahe naa,
Pichkari ta chalaibe karab hum,
Rahin Amrika-Canada mein ya Singapore-Mauritius mein
Ee phaguwa mein gulaal udaibe karab hum.

Khaaja-Pakwaan ke darshan hokhe chahe naa
Muh ta meetha karabe karab hum
Phagun ke Naach-Gaana hokhe chahe naa
Man-hi-man ta jhumabe karab hum

Braj-Awadh ke anand mile chahe naa,
Raas-lila ta rachayibe karab hum
Bhaiya-Bhauji se ketno door rahin,
Adosi-Padosi ke ta rang lagayibe karab hum

Puraan kapda-latta hokhe chahe naa
Bushart-pant ta raundbe karab hum,
Bidesi Phaguwa bayaar ke jhonkaa mein
Rang-Abirawa se ta khelbe karab hum

Launga-Elaichi ke beeda mile chahe naa,
Panawa se muhawa ta laliyaibe karab hum
Bhangawa ke goli mile chahe naa,
Thandai se pyaas bujhaibe karab hum

Phaatak-duaar band hokhe chahe naa,
Ghar mein ta ghusabe karab hum
Jangala ketno jagah kasal rahe,
Andar Rang ta barsaibe karab hum

Gubbara-paani se log bheeje chahe naa,
Sabke Laal-Neela-Peela ta karabe karab hum
Holika dahan hokhe chahe na
Bides mein Holi ta manaibe karab hum !!

(Bhojpuri Poem by Sailesh Kumar Mishra, USA - March, 2006 )

An American Bhojpuriya

I love Bhojpuri - its the sweetest language in the world !!!!

Here's my first Bhojpuri poem -

An American Bhojpuriya
------------------------

Gaon hamar bahut dur ba,Ghar hamar bahut dur ba
Akele hi chal ayini ha bidesh, E Sochke ki ehan kohinoor ba
Saat samundar paar aini ha, padh-likh ke kamayake ba
Kuchao karke chaahat raheni ki Amrika me jam jayeke ba

Ara Ballia Chapra Devariya ke kahat rahani A.B.C.D
Humra kaa malum rahal ki amrika me holen "confused" desi
Roj dekhani ha "english picture" hum ekdam non-desi
Tab bujhani ha amrika ke boli-bhasa besi besi.

Ego bada bajaar dekhni ha, naam rahal ookar "Wal
mart"Log chalawat rahal thela gaadi, sochat rahal apne ke "smart"
Tarkari se leke sab kuch bikaay - swooter, sarbat, saabun
Dollar-Rupiya ke kaam na padal, credit card rahal aapun.

F-1, H-1, GreenCard ke chakkar mein khaye lagni "burger"
Chai-pani ke bhula ke, peeye lagni coke, pepsi aa beer
"Hai, hai" se kosala ke badle, "hai" se karin "namaskar"
Ghar me sunke log kahe - ab eeshwar hi lagawas naiya paar.

Bahut din baad malum padal, banat rahal ego naya "group"
Bhojpuri Association of North America ke sthaapana se
BANA jod dehlas Amrika-Canada ke bhojpuria group.
"Kaa ho, kaa haal ba" - se swagat-satkar kare e bhojpuri group

Sunas je, okra taajjub hokhe... "Bhojpuria samaj in Amrika" ?
Jab ba Punjabi-Gujarati-Telugu-Taamil, ta kaahen na "Bhojpuria" ?
Phir se yaad aa gayil - desi khana - Litti-Chokha aa Thekuwa...
Jaldi hi bhojpuri maati se jud gayil, sab kehu ke manuwa

Pardes mein manawe ko sochat rahani hum ab phaguwa
Maai hamar sunke kahas - bahut khusi bhayil babua.
Ados-pados , bhai-bandhu, naata-rishta ta baa na
Ab kauno chinta naikhe , BANA ab baa naa !!!


Bhojpuri Poem by - Sailesh Kumar Mishra (Jan 2006)

Read this also at Bhojpuria.com -
http://www.bhojpuria.com/jump.php?page=sahitya/bana.htm


एगो अमरिकन भोजपुरिया
शैलेश मिश्र

गॉंव हमार बहुत दुर बा, घर हमार बहुत दुर बा
अकेले ही चल अइनी ह बिदेश, ई सोचके कि इहॉं कोहिनुर बा
सात समुन्दर पार अइनी ह, पढ-लिख के कमाये बा
कुछवो करके चाहत रहनी कि अमरिका मे जम जाए के बा

आरा बलिया छपरा देवरिया के कहत रहनी ए.बी.सी.डी
हमरा का मालुम रहल कि अमरिका मे होले "कन्फयज्ड" देसी
रोज देखनी ह "इंगलिस पिक्चर" हम एकदम नॉन-देसी
तब बुझनी ह अमरिका के बोली-भाषा बेसी बेसी

एगो बडा बजार देखनी ह, नाम रहल ओकर "वालमार्ट"
लोग चलावत रहे ठेला गाडी, सोचत रहल अपने के स्मार्ट
तरकारी के लेके सब कुछ बिकाये - स्वेटर, शरबत, साबुन
डॉलर - रुपइया के काम ना पडल, क्रेडिट कार्ड रहल आपन

एफ-1, एच-1, ग्रीनकार्ड के चक्कर में खाये लगनी "बर्गर"
चाय-पानी के भुला के, पीये लगनी कोक, पेप्सी आ बीयर"
हाय-हाय" से कोसला के बदले, "हॉय" से करीं "नमस्कार"
घर मे सुन के लोग कहे - अब इश्वर ही लगावस नइया पार

बहुत दिन बाद मालुम पडल, बनत रहल एगो नया "ग्रुप"
भोजपुरी असोशिएशन ऑफ नॉर्थ अमेरिका के स्थापना से
"बाना" जोड देहलस अमरिका-कनाडा के भोजपुरिया ग्रुप
का हो, का हाल बा" - से स्वागत-सत्कार करे इ भोजपुरी ग्रुप

सुनस जे, ओकरा ताज्जुब होखे... "भोजपुरी समाज इन अमेरिका"?
जब बा पंजाबी-गुजराती-तेलगु-तमिल, त काहें ना "भोजपुरिया"
फिर से याद आ गइल - देसी खाना - लिट्टी-चोखा आ ठेकुवा...
जल्दी ही भोजपुरी माटी से जुड गइल, सब केहु के मनुवा

परदेश में मनावे को सोचत रहनी हम अब फगुवा
माइ हमार सुनके कहस - बहुत खुशी भइल बबुआ
अडोस-पडोस, भाई-बन्धु, नाता-रिश्ता बा ना
अब कौनो चिंता नइखे, "बाना" बा ना !!!

(कवि भोजपुरी अशोसिएसन ऑफ नॉर्थ अमेरिका के संचालक बानी.)